Simba ipo visiwani Zanzibar ikiendelea kujinoa vikali kuelekea kwenye mchezo wake wa Ligi Kuu Bara dhidi ya Yanga siku ya Jumamosi kwenye Uwanja wa Uhuru jijini Dar es Salaam.
Siku ya Jana kikosi hicho kilifanya mazoezi yake kwenye Uwanja wa Amaan, Zanzibar na hii leo kinatarajiwa kuendelea na mazoezi kama ilivyokawaida.
Kutokana na gumzo lililozuka sehemu mbalimbali nchini juu ya viwango vya wachezaji, Ibrahim Ajib wa Yanga na Emmanuel Okwi wa Simba, timu hio imesema kuwa mchezo wa Jumamosi si wa wachezaji hao.
Akizungumza hio Jana, Afisa Habari wa Simba, Haji Manara amesema kwamba, mchezo wa Jumamosi ni wa Yanga dhidi ya Simba na si wa Okwi dhidi ya Ajib.
Manara amewataka mashabiki wa Simba kwenda kuishuhudia timu yao na si kwenda kuwashuhudia wachezaji hao wawili pekee.
“Mechi ni ya Simba na Yanga na si ya Ajib na Okwi, kocha hampangi mchezaji anayependwa na mashabiki, kocha anampanga mchezaji anayeamini atampatia matokeo.
“Ingekuwa hivyo ningepangwa mimi maana mimi ndio napendwa sana na mashabiki, tunamwamini mungu tu, huu ni mchezo ambao lolote linaweza kutokea” alisema Manara.
USISAHAU KULIKE PAGE YETU HAPA
0 comments :
Post a Comment