TETESI ZA USAJILI BARANI ULAYA LEO MAY 19 /2017

AUBAMEYANG AFIKIRIA KWENDA CHINA

Mshambulizi wa Borussia Dortmund Pierre-Emerick Aubameyang anafikiria kutimkia China, kwa mujibu wa L'Equipe .

Gazeti hilo la Ufaransa limeripoti kuwa mchezaji huyo wa kimataifa wa Gabon amekataa ofa za Paris Saint-Germain au Manchester United ili kuwa mchezaji tajiri zaidi katika klabu ya Tianjin Quanjian Katika Ligi Kuu ya China.

ATLETICO YAMKATIA TAMAA COSTA

Atletico Madrid wamatupilia mbali nia yao kumsajli mshambulizi wa Chelsea Diego Costa, badala yake wamemgeukia nyota wa Torino Andrea Belotti, kwa mujibu wa Cadena COPE, kupitia TalkSport .

Diego Simeone alikuwa akitamani kumsajili Mhispania huyo mzaliwa wa Brazili ambaye ameisaidia Chelsea kutwaa taji la Ligi Kuu Uingereza msimu huu.

SPURS WAMTWANGIA ALVES

 

 Tottenham wameanza harakati za kuifukuzia saini ya beki wa Juventus Dani Alves, kwa mujibu wa habari kutoka YAhoo .

Bosi wa Spurs Mauricio Pochettino anatafuta mrithi sahihi wa Kyle Walker ambaye yupo kwenye rada za Manchester City na anatamani kumpata nyota huyo wa zamani wa Barcelona.

Alves amebakiwa na mwaka mmoja kwenye mkataba wake wa sasa akiwa na fursa ya kusajili mwingine, lakini Spurs wamejipanga kumpatia mkataba wa miaka mwili kumshawishi kutua London.

CARRICK KUBAKI UNITED

Manchester United wapo mbioni kumpatia Michael Carrick mkataba mpya wa mwaka mmoja zaidi kumshawishi kubaki Old Trafford BBC .

Kiungo huyo wa zamani wa Tottenham anatimiza msimu wake wa 11 akiwa na Mashetani Wekundu na mkataba wake unaisha miezi kadhaa ijayo.

Hata hivyo, Jose Mourinho anatamani kuendelea kubaki na mkongwe huyo wa miaka 35 zaidi ya msimu huu.

CONTE KUSAJILI SITA

Bosi wa Chelsea Antonio Conte anajiandaa kusajili wachezaji wapya sita kuelekea msimu mpya wa 2017-18 licha ya kuiongoza timu yake kutwaa taji Ligi Kuu msimu huu kimesema The independent.

Muitaliano huyo anataka kumsajili Virgil van Dijk pamoja na mshambulizi wa Real Madrid Alvaro Morata.

Hata hivyo, mshambulizi wa Everton Romelu Lukaku anabakia kuwa miongoni mwa wachezaji anatoka kuwasajili majira ya joto.

CHELSEA YAJIPANGA KUMSAJILI KYLE WALKER

Chelsea wamejipanga kupigana vikumbo na Manchester City kumsajili Kyle Walker kutoka Tottenham Hotspur, kwa mujibu wa Mirror .

Walker atapata mshahara mara dufu wa klabu yake ya sasa iwapo atajiunga na Blues, na bosi wa Chelsea Antonio Conte ni shabiki mkubwa wa mchezaji huyo.

ARSENAL WANAMTAKA TAMMY ABRAHAM WA CHELSEA

Bosi wa Arsenal, Arsene Wenger anataka kumsajili mshambuliaji wa Chelsea Tammy Abraham, kwa mujibu wa The Sun .

Share on Google Plus

About